Komisioni i Rithemelimit të Partisë Demokratike ka zyrtarizuar katër kandidatët për kryetar bashkie në Lushnje.
Lajmi është bërë i ditur nga Klevis Balliu, i cili është anëtar i Komisionit të Rithemelimit të PD. Ndërkohë, ditën e diel, anëtarësia do të votojë për të zgjedhur edhe kandidatin që do të garojë në zgjedhjet e 6 marsit për kryetar të Bashkisë së Lushnjes.
4 kandidatët në primaret e PD në Lushnje:
Arben Zajmi, Jurist-Ekonomist
Elton Bano, Jurist
Eurion Iliazi, Mësues
Indrit Qerimi, Mësues
Dy ditë më parë, Sali Berisha zbuloi edhe mënyrën se si do të bëhet zgjedhja e kandidatëve. Berisha shkroi se zgjedhja do të jetë e ngjashme me primaret në SHBA dhe sipas tij është dëshmuar i suksesshëm, transparent dhe do të sjellë rezultate të mira.
