Nënkryetari i Kuvendit dhe PD-së Agron Gjekmarkaj u shpreh sot në Kuvend se Presidenti turk me fjalimin dhe ultimatumet javën e kaluar në Kuvend ndërhyri në punët e brendshme të Shqipërisë me kërkesat për mbylljen e shkollave të Gylenit.
“Ne jemi një vend i pavarur dhe jo një shtet vasal. U ndjeva keq, gati i poshtëruar për diversionin në Komunitetin Mysliman Shqiptar, ata u përjashtuan në inaugurimin e xhamisë dhe në përurimin e xhamisë së E’them Beut, aty ishte një hoxhë turk.
Kjo është ndërhyrje e brendshme në punët e Shqipërisë. Qeveria shfaqet në pozita vasaliteti. Trysnia për të mbyllur shkolla është e patolerueshme. Organizatat terroriste janë në listën e OKB-së” tha ai.
/5pyetjet.al
