Në doganën e Morinës mëngjesin e sotëm është kapur një 34-vjeçar banues në Slloveni me 12.700 euro, 2150 dinarë të Maqedonisë së Veriut dhe 100 franga zvicerane duke tentuar të hyjë në Shqipëri, por pa deklaruar shumën.
Shuma u zbulua në vijën e dytë ku makina tip “Benz” u fut për kontroll më të imtësishëm. Gjatë kontrollit të ushtruar në çantën e tij të dorës, shërbimet e Policisë i zbuluan dhe e sekuestruan.
I riu është proceduar penalisht. Materialet do t’i kalojnë Prokurorisë së Rrethit Gjyqësor Kukës, për veprime të mëtejshme.
/5pyetjet.al
