Presidenti Ilir Meta në një konferencë për mediat u shpreh se në 8 vitet e fundit qeveria e ka rritur borxhin publik me 53% duke e çuar në 84%.
“KLSH vlerëson se stoku real i borxhit paraqitet i nënvlerësuar në raportimin e detyrimeve të prapambetura.
Borxhi publik në fund të 2021 në rastin më të mirë mund të llogaritet 84%. Plus nuk janë përfshirë detyrimet e tjera. Në 8 vite borxhi është rritur mbi 53%” tha ai.
Kreu i shtetit theksoi se Shqipëria ka borxhin publik më të lartë në rajon. Përkeqësimi sipas tij si pasojë e mungesës së transparencës nga qeveria. “Edhe borxh për të paguar borxhet nuk mjafton më. Mos miratoi më PPP të reja” tha ai më tej.
Në mbyllje të kësaj cështje, Ilir Meta kishte një thirrje. “Për të parandaluar një humnerë financiare kërkoj një vlerësim real të borxhit, duke përfshirë detyrimet aktuale dhe të pritshme”.
/5pyetjet.al
