E njëjta strategji, po ashtu si në Durrës, është ndjekur nga Partia Socialiste për zgjedhjen e kandidatit për kryetar bashkia në zgjedhjet e pjesshme lokale të 6 marsit.
Kandidat nga PS për të qenë kryetar me të drejta të plota ligjore në këtë bashki do të jetë Edison Memolla, emri i komanduar i socialistëve pas vdekjes së ish-kryetarit Haxhi Memolla.
Një djalë fantastik. Sot Rrogozhina është dhe pjesa e bregdetit, janë ndërthurur të gjitha. Ndaj do të vazhdojmë të mbështesim Edisonin, e mezi pres që si në Vorë dhe Rrogozhinë të kemi rezultate të mira.
Ndërkohë, një emër surprizë nga PS ishte kandidati për bashkinë e Vorës. Ai do të jetë Blerim Shera. Mësohet se ai është psikolog/mësues në shkollën e Vorës, ndërsa më herët ka qenë në Yrshek.
“Kishim një diskutim që zgjati një orë. Janë dy bashki të vogla. Vora ka shkuar herë majtas herë djathtas, kemi pasur fitore spektakolare atje. Kemi disa kantiere të hapura në Vorë. Rruga autostrada e madhe kalon atje, e duam që Vora të trajtohet si kërthiza e Shqipërisë. Kemi shumë projekte atje.
Rrogozhina gjithashtu është bërë një rëndësi atraktive”, u shpreh Veliaj teksa zyrtarizoi emrat e dy kandidatëve në bashkitë e Qarkut Tiranë ku do të mbahen zgjedhjet e pjesshme lokale, në Vorë e Rrogozhinë.
