Kryetari i LDK-së, Lumir Abdixhiku, ka reaguar pas arrestimit të Dardan Molliqajt para futjes në emisionin Pressing në T7 në Prishtinë. Abdixhiku u shpreh se arrestimi i kryetarit të PSD-së ka shije të hakmarrjes politike nga Albin Kurti.
“Arrestimi i dhunshëm i Kryetarit të PSD-së Dardan Molliqaj, ka shije të një hakmarrjeje të pastër politike; prandaj ky akt, për mua dhe LDK-në është i papranueshëm dhe kundër standardeve bazike të demokracisë”, ka shkruar ai në Facebook.
“Kurti dhe Qeveria e tij nuk guxojnë të përdorin pushtetin policor për kërcënime e arrestime politike; sidomos kur për alternativë kanë ndjekjen normale e njerëzore të rrugëve procedurale sipas rregullave tashmë të njohura. I bëjë ftesë organeve të rendit të ruajnë integritetin e tyre profesional e të pavarur dhe të mos bëhen pjesë e këtij teatri politik të një Qeverie paranoike”, shtoi ai.
Dardan Molliqaj, burri ish-ministres shqiptare të Arsimit, Besa Shahini u arrestua pasi ditën e diel në protestën që u zhvillua për energjinë në Kosovë qëlloi me shpullë një policë.
/5pyetjet.al
