Moti i keq është kthyer sërish në Shqipëri! Duke nisur nga e hëna janë rikthyer reshjet e shiut dhe të dëborës, ndërsa në të gjithë vendin janë kthyer masat ajrore të ftohta.
Shërbimi Meteorologjik Ushtarak ka bërë me dije se që nga nesër do të hyjnë në qarkullim masat ajrore të qëndrueshme më të ftohta, ndërsa ngrica do të pushtojë të gjithë vendin.
Temperaturat e ajrit sot kanë regjistruar -5 në zonat malore, ndërsa maksimunim e kanë arritur deri në 10 gradë.
Nga e mërkura dhe në vijim moti do të jetë me kthjellime dhe kalime vranësirash të cilat në zonat malore do të sjellin dëborë të pakët.
Ndërkohë kujtojmë se bora dhe ngricat janë bërë shkak për bllokimin e rrugës së Arbrit.
