Festivali më i madh i filmit në Skandinavi po u ofron spektatorëve mundësinë për të ndjekur shfaqjet nën ndikimin e hipnozës.
Njerëzit kalojnë 20 minuta në “kinemanë hipnotike” të Festivalit të Filmit të Gothenburg në Suedi përpara se të shohin “Land of Dreams” nga regjisorja iraniano-amerikane Shirin Neshat.
Seanca zhvillohet nën mbikëqyrjen e hipnotizuesit Fredrik Praesto dhe janë raportuar ndjesi që variojnë nga përqendrimi i shtuar deri në një gjendje hutimi.
Hipnotizuesi fillon me ushtrime fizike. Në skenë shfaqet një spirale hipnotizuese e cila rrotullohet me shpejtësi dhe pjesëmarrësit udhëzohen të mbyllin sytë. Pas një numërimi prej 20 sekondash, të gjithë hapin sytë përsëri dhe fillon filmi.
“Ne hyjmë në një gjendje shpirtërore shumë të këndshme,” tha muzikanti Fredrik Sandsten. “Është e vështirë për t’u shpjeguar.” “I larguam të gjitha zhurmat dhe shpërqendrimet dhe me zërin u futëm vërtet në film,” shpjegoi Jonna Blumborg, e cila ishte e pranishme në hipnozën e parë.
