Për gati gjashtë orë sot në Tiranë ishte presidenti i UEFA-s, Ceferin për të ndjekur nga afër situatën para zgjedhjeve të 2 marsit, kur Armand Duka kandidon për mandatin e gjashtë, por socialistët i janë vendosur kundër për ta larguar, pasi mbështesin Dritan Shakohoxhën.
Por më shumë sesa takimi me kryeministrin Edi Rama, vëmendjen e tërhoqi makina me të cilën Ceferin shkoi në selinë e qeverisë, e cila është në pronësi të presidentit të FSHF-së, Duka.
Komentet në rrjet kanë qenë të shumta dhe nuk kishte si të mungonte edhe ironia e deputetit socialist Erion Braçe, një kundërshtar i vjetër i Dukës për menaxhimin e futbollit.
“Bentley flying kjo makine! Ne targe; “AD” nuk eshte Armand dhe, “du” nuk eshte Duka!
777 nuk jane 3 numra bixhozi, jane numra targe! Kjo makine luksi eshte e nje financieri ne nje pulari qe nuk di pse quhet Armand Duka dhe e ka rrogen 40 mije leke ne muaj! Fluturon gomari, fluturon” shkruan ai.
/5pyetjet.al
