Kosova ka vendosur këtë të shtunë të lehtësojë masat kufizuese për hyrjen në territorin e saj, pas dy javësh në fuqi.
Këtë të shtunë në pikën kufitare të Morinës ku prej dy javësh kërkohej që për hyrjen në Kosovë të kishte tre doza të vaksinës anti-Covid, sot shtetasit nga Shqipëria janë lejuar vetëm me dy doza.
“Tre doza vaksine ishte masë e tepruar”, tha një qytetar.
Heqja e dozës së tretë ka sjellë rritje të fluksit të lëvizjes së qytetarëve .
“Ngaqë ka pas kushtin me tre vaksina nuk kam mundur që të shkoj në Kosovë, pasi unë jam vetëm me dy doza. Për banorët e Kukësit është mirë që të kemi lehtësim, pasi shumë nga ne kanë dhe punë”, ka thënë një tjetër.
