Në konferencën e së hënës për mediat, Presidenti sqaroi edhe deklaratat e tij të mbajtura gjatë zgjedhjeve të 25 prillit, mes të tjerash edhe atë “merrni sfurqet dhe mbroni votën ”.
Meta u shpreh se sfurqet janë përmedur si mjete pune, ndërsa mazhoranca nuk kishte pse të shqetësohej nëse nuk do të vidhte vota.
“Duke ju referuar një ngjarje që Presidenti e ka përjetuar vetë. E kam përjetuar personalisht në Libofshë të Fierit në vitin 1994. Sfurqet janë përdorur si mjete pune të banorëve të zonës. Është e pakuptueshme se pse duhej të shqetësohej mazhoranca për sfurqet kur ajo nuk do të donte të vidhte vota. Kushdo që do të donte ta shikonte presidentin pasiv në atë situatë, do të thotë që kërkon t’i shërbejë pushtetit të dhunës.
Në Republikën e Shqipërisë asnjë institucion nuk mund të dalë jashtë sistemi demokratik përfshirë edhe Gjykatën Kushtetuese. Është e vërtetë se Gjykata Kushtetuese ka karakter suprem në Republikën e Shqipërisë por të mos harrojmë se jemi anëtar të shumë konventave europiane”, tha Meta.
