Deputetja e minoritetit boshnjak në Kosovë, Duda Balje ka thënë se prej publikimit të shpenzimeve për karburant ajo është ofenduar në rrugë.
Balje shton se po jeton në presion prej katër ditësh dhe thotë se nuk është fajtore pasi nuk ka gënjyer për qytetin ku jeton apo për makinën e saj.
“Unë këto 4 ditët e fundit jam duke jetuar në presion për një gjë që unë praktikisht nuk jam fajtore. Nuk kam gënjyer për qytetin ku jetoj e as për makinën. Unë kam veturën dhe shkoj me të në punë cdo ditë dhe që kur doli lajmi në media dje e pardje kur kam ecur në rrugë kam pasur shumë komente ofenduese”, tha ajo.
“Pas katër mandateve e ndjej veten keq që jam deputete e këtij shteti”, shtoi ai.
