Prej orës 10:00 të ditës së sotme po zhvillohet mbledhja e komisionit hetimor parlamentar për inceneratorët me fokus impiantin e trajtimit të mbetjeve urbane në Tiranë. Pas akuzave të Jorida Tabakut, ishte radha e n/kryetares së komisionit, Ermonela Felaj për t’ju përgjigjur. E ndërsa mbrojti procedurën e ndjekur dhe koncesionin, Felaj tha ishte bashkia Tiranë që e kërkoi këtë incenerator në Sharrë.
“Procedura koncesionare është miratuar, sepse bashkia Tiranë që ishte kërkuesja dhe përgjegjësja sipas ligjit për pushtetin vendor ka qenë dakord që në termat e propozuar, problemi që shtrohej, të zgjidhej në atë mënyrë. Për shkak se edhe bashkia Tiranë ka qenë dakord, ka qenë dakord edhe ministri i Financave. Kur bëhet fjalë për cështje financiare është ministri që vendos për t’u dhënë një rrugë akteve që propozohen” tha ajo.
Felaj gjatë debatit i kujtoi Felajt, kunatin e kryetarit të partisë. “Unë e kuptoj që juve do të donit që nga 2013-22 të mos ishte bërë asgjë. Meqë këto qenkan bërë të gjitha keq dhe të gjithë qenkan përfshirë në krim, natën dhe ditën, dhe kjo histori i është dhënë publikut dhe do ishte mirë ta mbanim Sharrën sikur ishte dhe t’i kujtonim Tabakut kush u përfshi në riciklimin e mbetjeve, se me siguri e ka njohur kunatin e partisë së saj” tha ajo.
/5pyetjet.al
