Shoferi i një autobusi është arrestuar nga policia në Durrës pas denoncimit të qytetarëve se kryente manovra të rrezikshme në rrugën Shkozet-Shijak.
Autobusi që drejtohej nga 57-vjeçari B.V. u ndalua nga forcat e policisë rrugore. Drejtuesi iu nënshtrua testit të alkoolit dhe rezultoi se ishte i dehur në masën 1.48 mg/l.
Shoferi 57-vjeçar i autobusit u arrestua dhe u gjobit me 900 mijë Lekë të vjetra si dhe iu pezullua leja e drejtimit për 16 muaj.
