Në Gjykatën Komunale në Sarajevë të Bosnje Herzegovinës mëngjesin e sotëm është raportuar për vendosjen e një bombe. Janë evakuuar të gjithë punonjësit si dhe personat që kishin shkuar për seancat gjyqësore.
Qendra operative e Ministrisë së Brendshme për rajonin Sarajevës ka konfirmuar se alarmi për bombë në Gjykatën Komunale u dha rreth orës 09:30.
Në vendngjarje shkuan efektivët e policisë.
Alarmet për bomba janë të shpeshta nëpër gjykata dhe pothuajse gjithmonë kanë rezultuar të rreme. Ato bëhen me qëllim që të anulohen seancat gjyqësore.
