Prej 3 ditësh, kryeministri Edi Rama ndodhet në SHBA ku Shqipëria u prezantua si anëtare e përkohshme në Këshillit të Sigurimit të OKB-së.
Pas takimit me Sekretarin e Përgjithshëm, Antonio Guterres dhe pritjes zyrtare, sot kreu i qeverisë pritet që të zhvillojë një takim me Sekretarin Amerikan të Shtetit Antony Blinken, pas ftesës së këtij të fundit.
Fokus i këtij takimi do të jetë situata në Ukrainë, ku SHBA-ja ka mbështetur qëndrimin e Shqipërisë sa i takon tensioneve me Rusinë, por gjithashtu edhe lufta kundër korrupsionit, prioritet kryesor për Amerikën.
Ky do të jetë takimi i dytë mes Ramës dhe Blinken, pas atij të 13 qershorit 2021 në Bruksel, ku SHBA dhe Shqipëria nënshkruan memorandumin për sigurinë e 4G dhe 5G.
