Presidenti Ilir Meta ditën e sotme dekoroi këngëtarin e njohur shkodran të muzikës popullore, Bujar Qamili, me Dekoratën e lartë “Nderi i Kombit”.
Kreu i shtetit u shpreh se këngëtari ka çuar muzikën shkodrane dhe shqiptare në mbarë botën duke shëruar, lumturuar dhe u dhënë jetë shumë njerëzve.
“Pandemia nuk e ndaloi Bujar Qamilin” tha më tej Meta. “Ai është një këngëtar që ka bërë për vete të gjithë popullin” theksoi më tej Meta.
“Nuk këndoj më, tha bilbili, ma kaloi Bujar Qamili” ishte batuta me të cilën Presidenti mbylli fjalën me buzëqeshje dhe i dha dekoratën këngëtarit.
Pak javë më parë gjatë një vizite në Shkodër, Meta u ndal në një restorant ku i pranishëm ishte edhe këngëtari i njohur Bujar Qamili dhe të dy ia morën një kënge.
/5pyetjet.al
