Një hetim i kryer nga policia italiane kundër drogës ka dërguar pas hekurave 20 shqiptar.
Policët gjurmuan një sërë personash me origjinë shqiptare, që banonin në disa komuna të zonës së ulët të Bergamos. Kështu, hetimi u përqendrua në një organizatë kriminale, me origjinë shqiptare dhe italiane, aktive në zonën e Brescias, në zonën e ulët të Bergamos dhe në disa zona të brendësisë së Milanos, e cila, për t’u vendosur në disa sheshe të trafikut të drogës, vepronte me dhunë dhe ndonjëherë me përdorimin e armëve.
Sipas rikonstruksionit të hetuesve, organizata kriminale do të kishte mundur të furnizonte kryesisht heroinë dhe kokainë për grupe të tjera kriminale që vepronin në Italinë qendrore dhe veriore. Gjatë hetimeve, policia ka kryer 15 arrestime në flagrancë dhe ka sekuestruar 1.4 kg kokainë, afërsisht 14 kg heroinë, 100 kg lëndë prerëse, rreth 17.500 euro cash dhe dy pistoleta gjysmë automatike. Nga kontrollet e shumta u sekuestruan rreth 74 mijë euro cash dhe u arrestua një person për mbajtjen e 700 g. të kokainës. Aktiviteti u krye me ndihmën e agjentëve të Skuadrave Lëvizëse të Bergamos, Brescia, Bolzano, Novara, Rimini, Shtabi i Policisë Varese dhe Departamenti i Parandalimit të Krimit të Lombardisë.
