Agron Gjekmarkaj, deputeti i Partisë Demokratike, ngriti edhe njëherë tjetër çështej e inceneratorëve në fjalën e tij në Kuvend.
Ai u shpreh se tashmë, për aferën e denoncuar nga Partia Demokratike, një ministër është në burg, ndërsa sipas tij, dy të tjerë janë duke u dredhur. Gjekmarkaj e krahasoj mazhorancën me legjendën angleze, Robin Hood, por që sipas tij, iu merr paratë të varfërve dhe ua jep të pasurve.
“Këta janë Robin Hood e rilindjes që ndryshe nga ai i legjendave angleze, ua marrin të varfërve për t’ua dhënë Zotos pa Zotë dhe Gugallës. Paraja ngjan me letrën higjienike për të cilën ka gjithmonë urgjencë. Këta milionë euro u duhen klientëve të qeverisë. Lekë i bardhë në ditë të zezë. Ndaj firmosin, teksa mullari me euro bëhet mal, e meqenëse nuk shkon mali te qeveria, shkon qeveria te mali. Një ministër është në burg, dy të tjerëve po u dridhen si purteka”, tha Gjekmarkaj.
