Ndër të tjera, në seancën e kësaj të enjteje në Kuvend pritet të miratohet edhe projektligji për ekstradimin me Spanjën. Në fjalën e tij, ministri i Drejtësisë, Ulsi Manja u shpreh se ky projektligj është një mesazh i qartë për botën e krimit.
Manja theksoi se Shqipëria nuk mund të kthehet në strehë për personat që kryejnë krime jashtë vendit.
“Do të lejohet ekstradimi reciprok me Spanjën, po ashtu do të forcohet bashkëpunimi me autoritetet gjyqësore mes dy vendeve. Ky është një sinjal i qartë për botën e krimit. Askush nuk mund të gjejë strehë në Shqipëri nëse kryen një vepër penale në Spanjë. Në Spanjë jetojnë me mijëra qytetarë shqiptarë, mes të cilëve edhe persona me probleme me ligjin shqiptarë”, tha Manja.
