Dje, rreth orës 16:30, derisa Njësia e Reagimit Shpejtë (NJRSH), nga Drejtoria Rajonale e Policisë në Ferizaj po patrullonte në fshatin Dremjak, ata kanë hasur në tre persona fëmijë, të cilët kishin dalur të shëtiteshin me biçikleta dhe tek ata kishin vërejtur lëndime trupore, ku dyshohet të jenë shkaktuar nga një person i moshës 40 vjeç.
I dyshuari më pas kishte ikur nga vendi i ngjarjes, ndërsa fëmijët kanë pranuar tretman mjekësorë.
Në lidhje me këtë, operatorët e NJRSH-së kanë arritur, më pas që ta ndalin personin e dyshuar me inicialet M.M (M.K) i moshës 40 vjeçare i cili po lëvizte me një furgon me targa vendore.
“Gjatë kontrollit të tij dhe të automjetit, policia i gjenë një armë zjarri, një karikator me 13 fishkë dhe një mjet të mprehtë (brisk), të cilat edhe i konfiskohen”, ka njoftuar policia.
“I dyshuari është shoqëruar në stacionin policor në Ferizaj dhe pasi është intervistuar nga hetuesit policor, me vendim të Prokurorit të Prokurorisë Themelore në Ferizaj, i njëjti është dërguar në mbajtje për 48 orë, për procedura të mëtejme hetimore, ndërsa rasti është cilësuar “Lëndim i lehtë trupor “& “Mbajtja në pronësi, kontroll ose posedim të paautorizuar i armëve”, ka njoftuar Policia e Kosovës./5pyetjet.al
