Kryetari i bashkisë së Tiranës, Erion Veliaj ka dëshmuar sot në komisionin hetimor për inceneratorët në Kuvendin e Shqipërisë. Më pas do të jetë sekretari i Përgjithshëm i Kryeministrisë Engjëll Agaçi, ish-ministri Damian Gjiknuri dhe në fund deputeti i PS, Alqi Bllako, i akuzuar nga Partia Demokratike si i implikuar në aferën e inceneratorëve.
Debati në komision
Jorida Tabaku: Sapo të kapa një gënjeshtër të jashtëzakonshme
Erion Veliaj: Me qetësi se të dolën rrylat këtu, me qetësi
Ndërhyjnë anëtarët e PS-së në komision, zhurmë dhe debat në sallë
Erion Veliaj: Me qetësi, me qetësi
Jorida Tabaku: Me qetësi, me qetësi.
Erion Veliaj: Në vendimin e këshillit bashkiak, në pikën 7 të relacionit, angazhimi për landfillin, është gjithë përshkrimi i detyrimeve kontraktuale dhe në pikën “g” dhe ngarkon kryetarin dhe planifikimin e fondit.
Jorida Tabaku: Ju lutem vendimi i këshillit bashkiak, nuk arrita ta kuptoj, në cilin nen? E cilës datë.
Erion Veliaj: 28 shtator 2017.
Jorida Tabaku: Por ti ke dhënë miratimin në mars dhe thua kam miratimin e këshillit bashkiak, por këshilli nuk ta ka miratuar buxhetin, nuk ke pasur buxhet, si e ke miratuar?
Erion Veliaj: Qetësohu dhe mblidhe veten, kjo që po bën është histeri. Cfarë presioni kam unë, ky është stan me lepuj, unë të kam mundur në gjykatë. O shokë qetësohuni. Unë them jam parimisht dakord, që Tirana të ketë një vend ku të shkojnë plehrat dhe i kërkoj të këshillit të miratojë vendin se toka është shtet, ndërkohë që ai tjetri, Isa Sakja e miratoi vetë pa pyetur këshillin.
Jorida Tabaku: Mos bëj si llaxhore këtu.
Erion Veliaj: Të kam mundur në gjyq. Ju pse nuk ftoni Lul Bashën, që në 2013 pa këshillin, thotë vendosa vetë, miratoi studimin e fizibilitetit për mbetjet. Lul Basha i miratonte vetë pa këshill.
Jorida Tabaku: Ermonela qetësohu, është e turpshme për ty që merresh me një punonjëse të medias. Veliaj përse gënjyet?
Erion Veliaj: Për cdo pretendim për shpifje të munda dhe do të mund në gjyq.
Jorida Tabaku: Asnjëherë në mënyrë absolute.
Erion Veliaj: Kontraktori i shkollës “Saimi Frashëri” është edhe i vilës suaj.
Jorida Tabaku: Silluni me etikë se je kryetar bashkie. A ka një vendim të këshillit bashkiak Tiranë për përcaktimin e tarifave për dherat?
Erion Veliaj: Në dallim nga Basha që thoshte e mora vetë vendimin ne nuk jemi dopio standard. Nuk ka nevojë për vendim këshilli, pasi ka vetëm një vend ku çohen dherat në Tiranë.
Jorida Tabaku: Balluku tha se ka një vendim.
Erion Veliaj: Po ta shpjegoj, ka një vendim të këshillit për të gjitha detyrimet tona, jo të privatit.
Jorida Tabaku: Kjo është një tarifë e vendosur nga bashkia Tiranë? A ka një vendim të këshillit?
Erion Veliaj: Po të them, që në dallim….unë jam e duruar mund të rri edhe tre ditë këtu. Ti si ndërtuese ke interes për dherat?
Jorida Tabaku: Unë nuk jam ndërtuese.
Erion Veliaj: Ça është kjo bërr bërr bërr që bën
Jorida Tabaku: Përgjigju ku është vendimi i këshillit për dherat?
Erion Veliaj: Lulzim Basha me kunatin krijuan kompani si t’u merrnin romëve.
Jorida Tabaku: Për dherat, cfarë vendimi ka?
Erion Veliaj: Ne cdo pastrim të Tiranës e bëjmë 30% më lirë se Basha.
Jorida Tabaku: Më thuaj vendimin e këshillit bashkiak për dherat?
Erion Veliaj: Unë e di që je edhe ndërtuese dhe të djeg edhe për dherat.
Jorida Tabaku: Të lutem vendimin e këshillit
Erion Veliaj: Nuk ka lidhje bashkia që i hidhnin dherat. Është marrëdhënie mes privatëve.
Jorida Tabaku: Jo nuk është. 45 mln euro ja keni dhënë Zotos dhe Mërtirit.
Erion Veliaj: Njeriu ka një cipë…
Jorida Tabaku: I detyrove të marrin 45 mln euro
Erion Veliaj: Moj zonjë, ke konflikt interesi, se je ndërtuese.
Jorida Tabaku: Ku e ke vendimin?
Erion Veliaj: Pse do të marr unë vendim ku do të hedh xhaxhai yt dherat
Jorida Tabaku: Xhaxhai im ka vdekur
Erion Veliaj: Mos qani hallin e pallateve të saj. Por po ta ilustroj me një shembull. Ke zhvillim te Fusha e Aviacionit, ku familja juaj e nderuar (Tabaku i heq fjalën).
Jorida Tabaku: Kthe përgjigje, përse i ke dhënë koncesionarit të Tiranës një punë prej 45 mln euro?
Erion Veliaj: Do të më lësh që të flas. Të kam dhënë leje ndërtimi, je përfituese.
Jorida Tabaku: Nuk jam përfituse, po gënjen. Ku je bazuar, përgjigju këtu.
Erion Veliaj: Po ta ilustroj, është marrëdhënie mes privatëve.
/5pyetjet.al
