“Lufta e Ftohtë” ishte atmosfera në takimin e së hënës të Këshillit të Sigurimit Rus në Kremlin, mes Putinit dhe kreut të shërbimeve sekrete.
Putin ulet vetëm dhe në distancë duke dëgjuar këshilltarët e tij të sigurisë një nga një.
Në një moment, Sergei Naryshkin merr fjalën. Ai është kreu i shërbimit të spiunazhit të Rusisë dhe konsiderohet si një nga “skifterët” e makinës qeveritare ruse, e njohur për pozicionet e saj agresive, antiperëndimore.
Biseda e mëposhtëme, plot siklet, vijoi:
– Naryshkin: Unë besoj se ne duhet t’i japim Perëndimit një shans të fundit, duke i dhënë atyre mundësinë, sa më shpejt të jetë e mundur, për të detyruar Kievin të zgjedhë Paqen dhe zbatimin e Traktatit të Minskut. Në rastin më të keq ne duhet të marrim vendimin, të .. që .. po diskutojmë sot.
– Putin : Çfarë do të thotë kjo? “Në rastin më të keq”; A sugjeroni të fillojmë negociatat?
– Nariskin: Eh , jo..
-Putin: Apo për të njohur sovranitetin?
– Nariskin: Po… do… do…
-Putin : Fol, fol thjesht!
-Nariskin: Do të mbështes propozimin e njohjes..
-Putin: “Unë do të mbështes” apo “Unë mbështes”? Thjesht fol Sergei.
-Nariskin: Unë e mbështes propozimin..
-Putin: Atëherë thuaj kështu: Po ose Jo.
-Nariskin: Unë mbështes propozimin për pranimin e Donetskut dhe Luganskut në Federatën Ruse.
Putin: Ne nuk po flasim për këtë, ne nuk po e diskutojmë këtë. Ne po diskutojmë nëse do ta njohim apo jo pavarësinë e tyre. Po ose Jo;
-Nariskin: Po. Unë e mbështes propozimin për njohjen e pavarësisë së tyre.
-Putin: Faleminderit, ju mund të uleni në vendin tuaj.
/5Pyetjet.al
