Edhe Zvicra vendosi sanksione financiare ndaj tre bankave ruse dhe kufizime të udhëtimit për 361 deputetë të Dumës, njoftoi presidenti i Konfederatës Zvicerane Ignazio Cassis në një konferencë për shtyp të enjten.
Ai nuk dha detaje mbi bankat, por tha se Berna do të ashpërsonte masat e detyrueshme që kishte vendosur kundër Rusisë në vitin 2014, për shkak të krizës në Ukrainë.
“Për arsye neutraliteti, Zvicra nuk miratoi drejtpërdrejt sanksione në atë kohë. Sot, qeveria ka ashpërsuar reagimin e saj.
Sanksionet e BE-së të lëshuara dje do të integrohen në këtë urdhëresë në formën e masave kundër shmangies dhe masat individuale do të forcohen, veçanërisht në sektorin financiar,” shpjegoi Cassis.
Qeveria do të rregullonte rregulloret e saj në mënyrë që Zvicra të mos mund të përdoret për të anashkaluar sanksionet e vendosura nga Bashkimi Evropian, shtoi ai. Lista e personave të sanksionuar nga BE do të miratohet në parim, tha Cassis.
Zvicra është e detyruar sipas ligjit ndërkombëtar të zbatojë vetëm sanksionet e vendosura nga Këshilli i Sigurimit i OKB-së.
/5pyetjet.al
