Banka Qendrore Ruse ka rritur derdhjen e parave në AMT për shkak të kërkesave të larta nga qytetarët rus.
“Në ditët e fundit, kërkesa për para është rritur,” tha Banka në një deklaratë të premten. “Për të përballuar kërkesën e shtuar, Banka e Rusisë rriti emetimin e parave të gatshme në banka dhe rimbushja e ATM-ve do të vazhdojë këtë fundjavë”.
“Të gjitha fondet e klientëve në llogaritë bankare janë plotësisht të ruajtura dhe të disponueshme për çdo transaksion”, shtohet në deklaratë.
Të enjten, agjencia shtetërore ruse e lajmeve TASS raportoi se disa banka kishin parë një rritje të tërheqjeve – veçanërisht të valutës së huaj – pas vendimit të Kremlinit për të pushtuar Ukrainën.
Tregu i aksioneve ruse pësoi humbje masive dhe monedha e vendit, rubla, u zhvlerësua ndjeshëm pasi tregjet filluan të reagojnë ndaj lajmeve për pushtimin. Që atëherë, tregjet janë rimëkëmbur pak./5pyetjet.al
