Presidenti kroat, Zoran Milanoviç ironizoi Beogradin kur u pyet për rrezikun e një lufte në Ballkan, pasi Serbia mori zemër nga Rusia që pushtoi Ukrainën.
“Lidershipi serb nuk e dinë çfarë të thonë, janë në zjarr. Beogradi po luan lojë, po presin që rusët të hyjnë në Kiev. Beogradi është i dobët, me ç’ka do të sulmojnë ata, Kosovën? Me çfarë?
Me pistoleta uji? Është koha që Beogradi të vendosë a do t’i bashkohet BE-së. Nëse Vuçiç njeh Donbasin, atëherë njohja e Kosovës duhet të justifikohet. Ata kanë ardhur në një rreth vicioz” u shpreh ai.
“Këto sanksione s’mund ta ndalin ushtrinë ruse. Fatkeqësisht ato s’funksionojnë. Ukraina s’duhet të lejohet të hyjë në NATO. Shtetet baltike janë diçka tjetër, s’po them se janë të rrezikuara tash por nëse rrezikohen ne jemi këtu”, tha Milanoviç.
/5pyetjet.al
