Miliarderi japonez, Hiroshi ‘Mickey’ Mikitani, ka deklaruar se do të dhurojë 8.7 milionë dollarë për të ndihmuar Ukrainën.
Ai e quajti pushtimin e Rusisë “sfidë për demokracinë”.
Themeluesi i gjigantit të tregtisë elektronike “Rakuten” tha në një letër drejtuar presidentit të Ukrainës, Volodymyr Zelenskyy, se donacioni prej 1 miliard jen (8.7 milion dollarë) do të shkojë për “aktivitete humanitare për të ndihmuar njerëzit në Ukrainë, viktima të dhunës”.
Mikitani tha se ai vizitoi Kievin në vitin 2019 dhe u takua me Zelenskyy-n.
Ai ofroi mbështetjen e plotë për popullin e Ukrainës.
“Shpresoj se Rusia dhe Ukraina mund ta zgjidhin këtë çështje në mënyrë paqësore dhe që populli ukrainas të ketë përsëri paqe sa më shpejt të jetë e mundur.”
