Mëngjesin e së hënës, Rusia tha se ushtria e saj ka marrë nën kontroll centralin më të madh bërthamor në Europë, Zaporizhzhia.
Megjithatë, zyrtarët ukrainas kanë reaguar duke thënë se ky është një lajm i pavërtetë dhe se centrali vijon të jetë nën kontrollin e tyre.
Energoatom, kompania shtetërore bërthamore e Ukrainës, i tha agjencisë së lajmeve Interfax se pretendime të tilla nga Moska janë “një gënjeshtër absolute, një false”.
Gjeneralmajor Igor Konashenkov i ministrisë ruse të Mbrojtjes tha në një deklaratë: “Ushtarët rusë po ruajnë dhe kontrollojnë plotësisht zonën përreth termocentralit bërthamor Zaporizhzhia”.
Ai shtoi: “Personeli vazhdon të punojë për mirëmbajtjen e objekteve dhe kontrollin e situatës radioaktive në gjendje normale. Sfondi radioaktiv është normal”.
