Zbardhet dëshmia që Lulzim Basha dha pak javë më parë përpara prokurorëve belgë në SPAK në lidhje me dosjen “Toyota Yaris” ku u zbuluan dhe sekuestruan 3.4 mln euro.
Lideri demokrat është shprehur se informacionin e ka marrë përmes një letre denoncuese.
“Qytetarët e informojnë Partinë Demokratike për shumë çështje, një ndër të cilat është edhe informacioni për shumën e konsiderueshme të parave te sekuestruara në portin e Durrësit qershorin e 2018” tha ai, shkruan Faxnews.
Por kush ishte ky qytetar?
Në këtë pikë, Basha është shmangur duke thënë se PD nuk ka protokoll për marrjen e denoncimeve. Belgët janë larguar pa marrë emrin e denoncuesit nga Lulzim Basha.
Në Shqipëri hetimet për këtë dosje janë mbyllur, por autoritetet belge vazhdojnë punën për të zbardhur çështjen.
/5pyetjet.al
