Një 51-vjeçar është vënë në pranga nga policia e Durrësit pasi është kapur teksa po lëvizte me dy çanta të mbushura me kanabis sativa.
Policia bën të ditur se personi i arrestuar është shtetasi me iniciale A. F., 51 vjeç, banues në Shkozë, Tiranë.
Ky shtetas u kap në flagrancë, në rrugën dytësore të fshatit Sukth në drejtim të Shijakut, i cili lëvizte në këmbë duke transportuar dy çanta, brenda të cilave kishte pako me lëndë narkotike, të llojit kanabis sativa me peshë totale 10 kilogramë dhe një peshore elektronike.
