Një orë nga koha zyrtare e përcaktuar për mbylljen e procesit të votimit pjesëmarrja është shumë e ulët, 29.42% në total në bashkitë që sot do të zgjidhet kryetari i ri, që do të qeverisë për një vit.
42.43% është pjesëmarrja më e lartë e regjistruar në Dibër, 39.26% në Vorë, 35.49% në Lushnje, 29.06% në Rrogozhinë, 27.11% në Shkodër dhe 25.31 në Durrës. Në orën 19:00 do të mbyllet procesi i votimit.
Nënkryetarja e KQZ-së Lealba Pelinku informoi në një dalje për mediat lidhur me procesin e pjesshëm zgjedhor që po mbahet sot, kryesisht sa i takon pajisjeve të identifikimit elektronik të zgjedhësve (PEI).
“Kemi pasur një mbulim në 99% të qendrave të votimit, deri dje situata na jepte një panoramë 100 % të mbulimit, për problematika që dihen, vështirësitë klimatike në Shkodër, në 3 qendra nuk është përdorur pajisja e identifikimit.
Votimi elektronik ka ecur në mënyrë të shkëlqyer dhe nuk kemi asnjë pikë dyshimi që është numërimi elektronik do të konfirmojë suksesin e kësaj teknologjie në bashkinë Vorë” tha ajo.
/5pyetjet.al
