Kryetari i AAK-së, Ramush Haradinaj, ka thënë se ka gjashtë muaj që bëjnë presion te Qeveria për ta miratuar Ligjin e Pagave dhe rritjen e pagës minimale.
Haradinaj ka deklaruar se për këto kërkesa nuk ka asnjë veprim, ndërsa ka përmendur rritjen e çmimit të energjisë për shqiptarët, ndërsa për serbët e veriut, siç thotë ai, ia paguan qeveria, e që këtë e ka konsideruar si diskriminim.
Për këtë kreu i AAK-së, ka paralajmëruar se do t’i drejtohet Gjykatës Kushtetuese.
Sipas tij, kjo përbë shkelje të të drejtave të njeriut.