Benzema ka zhvilluar 17 minuta të “çmenduara”, ndoshta më të mirat e karrierës së tij, duke zhvlerësuar me 3 gola milionat arabe me yje si Messi, Mbappe apo Neymar.
Real Madrid ka triumfuar 3-1 në ndeshjen e kthimit të Champions League ndaj PSG dhe tashmë është në çerekfinale të këtij kompeticioni që e kanë fituar plot 13 herë.
Edhe pse dukej se gjithçka përfundoi për Realin, kur Mbappe kaloi në avantazh ekipin francez në fundin e pjesës së parë, ekipi i drejtuar nga Carlo Ancelotti ende nuk e kishte thënë fjalën e fundit.
Në pjesën e dytë, Karim Benzema “shpërtheu” me 3 gola, duke përmbysur edhe rezultatin e ndeshjes së parë (1-0 për PSG).
Ndërkohë, Manchester City preu biletën për në çerekfinale, pas barazimit 0-0 ndaj Sportingut të Lisbonës. Ndeshja e parë kishte përfunduar 5-0 për kampionët e Anglisë.
