Goldman Sachs po largohet nga Rusia, duke u bërë banka e parë e madhe e Wall Street që njoftoi planet për ta bërë këtë pas pushtimit të Ukrainës.
“Goldman Sachs po mbyll biznesin e saj në Rusi në përputhje me kërkesat rregullatore dhe licencuese”, tha një zëdhënës i Goldman Sachs për CNN.
Vendimi i firmës më me ndikim të Wall Street për të dalë nga Rusia i jep një tjetër goditje financiare Moskës. Nuk është e qartë se sa njerëz punëson Goldman Sachs në Rusi dhe sa para fiton firma atje.
“Ne jemi të fokusuar në mbështetjen e klientëve tanë në të gjithë globin në menaxhimin ose mbylljen e detyrimeve para-ekzistuese në treg dhe për të siguruar mirëqenien e njerëzve tanë,” tha zëdhënësi i Goldman Sachs.
