Kryetari i Shoqatës së Naftëtarëve në Kosovë Fadil Berjani ka dhënë një lajm të mirë sa i përket çmimeve të derivateve. Berjani tha se çmimet e derivateve kanë rënë dhe janë duke rënë akoma.
“Një lajm i mirë është për qytetarët tanë. Se çmimet e derivateve kanë rënë dhe janë duke rënë akoma. Derivatet kanë rënë në Berza dhe organizatën prodhuese OPEC dhe kjo po reflekton edhe te ne”, tha ai.
Berjani ka një kërkesë për tregtarët e marketeve që të mos i rrisin çmimet në kurriz të derivateve.
“Lus tregtarët e marketeve, ju që i keni rritur çmimet në kurriz të derivateve, ulni çmimet, nuk keni arsye tani t’i mbani këto çmime se derivatet janë ulur e çmimet janë duke u ulur akoma”, tha ai.
Disa ditë më parë, naftëtarët në Kosovë kishin paralajmëruar se çmimi i naftës për një litër do të arrijë në 2 euro.
