Përfaqësues të PD-së të njësisë nr. 8 në Tiranë paraditen e sotme shkuan në selinë blu duke i kërkuar Lulzim Bashës largimin nga posti i kryetarit për të hapur garën për liderin e ri të së djathtës.
Ata kërkuan që brenda selisë të zhvillonin një mbledhje, por Indrit Hoxha u shpreh se dyert ishin të mbyllura.
“Njerëzit që janë brenda PD-së duhet të hapin dyert. Është kthyer në agjenci funerale. Bashkimi i demokratëve vjen vetëm përmes votës.
Të gjithë aspirantët për kryetarë t’i nënshtrohen procesit që do të hapet në 30 prill nga kuvendi i PD-së, nuk duhet të ketë kushte, por garanci” tha ai.
