Kryeministri Edi Rama ka reaguar pas akuzave në protestë dhe në rrjetet sociale se këngëtari i njohur Maluma erdhi në Tiranë me lekët e shtetit. Shefi i qeverisë tha se nuk ishte harxhuar asnjë qindarkë nga buxheti i shtetit për koncertin dhe se gjithçka ishte organizuar nga një kompani private.
“Jo qe s’ke kuptuar gje, po je keqkuptuar edhe me shume, sepse koncerti nuk kishte asnje lidhje me asnje qindarke nga fondet publike, po ishte i organizuar nga nje kompani private, cka e ben turpin e protestes edhe me te turpshem ne fakt, kur mendon se aty thuhen edhe maskaralleqe te tilla si Malumja me leket e shtetit, Maybach-u i Lali Erit apo Abazhuri prej floriri i zyres time” shkruan Rama.
