Dy fëmijë janë përplasur nga një traktor në lëvizje, mëngjesin e sotëm në lagjen Balaj të fshatit Gllarevë në Komunën e Klinës.
Kjo është bërë e ditur nga zëdhënësi i policisë për rajonin e Pejës, Fadil Gashi.
Gashi deklaroi se dy nxënës janë plagosur e janë dërguar me urgjencë në spitalin rajonal të Pejës.
“Rreth orës 07:40 minuta Policia është njoftuar për një aksident në Gllarevë të Klinës. Dy nxënës janë goditur nga traktori ku kanë marrë lëndime trupore. Janë dërguar në urgjencën e spitalit rajonal”, tha Gashi.
Policia e Kosovës po heton rastin.