Kryeministri hungarez, Viktor Orban, ka thënë se ai pret që të shohë “valën më të madhe të refugjatëve” nga Ukraina, javën që vjen.
Duke folur gjatë një vizite në pikën kufitare të Hungarisë me Ukrainën dhe Rumaninë, Orban ka thënë se rojet kufitare do të pozicionohen aty javën e ardhshme për të menaxhuar fluksin në rritje të refugjatëve.
Deri më 14 mars, 263,888 ukrainas kanë kaluar kufirin në Hungari, sipas agjencive të Kombeve të Bashkuara.
Të mërkurën, një këshilltar i Orbanit ka thënë për mediat hungareze se zyrtarët presin që të pranojnë 900,000 refugjatë deri në fund të luftës.
Megjithatë, numri i refugjatëve që po arrijnë në Hungari ka rënë në krahasim me javët e kaluara.
