Presidenti i Federatës së Futbollit në Kosovë, Agim Ademi është shoqëruar nga policia mbrëmjen e së mërkurës, pasi dyshohet se ka sulmuar zyrtarin e FFK-së, Artan Govori.
Mediat në lokale në Kosovë raportojnë se Ademi e ka mohuar sulmin fizik, duke thënë se pati vetëm një debat mes tyre.
Nga ana tjetër, Govori pohon se: “Nuk ka qenë sulm i madh. Rrahje nuk ka pasur. Nuk jam tip arrogant që mundem me u rrah me dikë. Me tregu drejtën nuk kanë qenë sulm i madh. Ka qenë një sulm i vogël, por prapë është sulm që është dashur me e denoncuar në polici. Ishte sulm fizik. Dorën ne qafë, syrin pak ma ka gërric. Ka dashtë me ma kapë faqen në atë mënyrën shumë të egër”.
