Vëmendja e perëndimit është maksimale në Ballkan si pasojë e frikës se spiralja e luftës ruse në Ukrainë mund të shkarkohet në rajonin tonë. Stuart Peach, emisari special i Britanisë së Madhe për Ballkanin Perëndimor u shpreh se situata në Bosnje e Hercegovinë është shqetësuese por nuk ka të bëjë me ndonjë krizë sigurie.
“Situata në Bosnjë dhe Hercegovinë është shqetësuese. Sigurisht, është një situatë politike, një çështje politike dhe jo një krizë sigurie. Ne duhet të punojmë së bashku për të parandaluar që ajo të shndërrohet në një krizë sigurie,” ka deklaruar Peach.
Emsiari britanik deklaroi se raportet mes të Kosovës dhe Serbisë janë vendimtare në procesin e integrimit në Bashkim Evropian. Ai ka theksuar se Qeveria e Britanisë së Madhe e mbështet dialogun Prishtinë-Beograd të ndërmjetësuar nga emisari sllovak, Miroslav Lajcak
