Fitim Uka, deputet i Kuvendit të Kosovës nga Lëvizja Vetëvendosje ka paralajmëruar largimin nga politika, duke thënë se më shumë do të orientohet në aspektin profesional se sa politik.
“Unë personalisht nuk kam qenë kurrë i përfshirë në politikë para se të anëtarësohesha në Lëvizjen Vetëvendosje, asnjëherë nuk ia kam parë nevojën politikës, në momentin kur jam kthyer prej SHBA-ve e kam parë si një lloj mundësie për të dhënë kontribut për të mundësuar edhe një ndryshim në Kosovë. Pastaj kur futesh brenda ka një lloj gare si brenda subjektit edhe jashtë për të shtyrë përpara propozimet e ndryshme dhe ndonjëherë nuk fiton ideja më e mirë dhe me këtë duhet të pajtohesh. Unë nuk e ndjej veten brenda rolit në Kuvendin e Kosovës. Influenca është më shumë profesionale, në politikë e kam ndjerë veten si të huaj”, tha Uka në RTK.
