Kryetari i bashkisë së Tiranës ka njoftuar sot se nesër kryeqyteti do të jetë pa makina. Ai thotë se Tirana i është bashkuar nismës së qeverisë për të kursyer karburant për shkak të krizës që ka pllakosur pas nisjes së luftës në Ukrainës.
“E di që fëmijët mezi e presin një ditë pa makina, ndaj nesër e martë 22 Mars, si dite pushimi zyrtar, do rikthejmë sërish harenë e ajrin e pastër në Tiranë duke iu bashkuar nismës së @AlbGov për qytetet që kursejnë naftë e tym, e lëvizin shëndetshëm”, tha kryetari i Bashkisë, Erion Veliaj.
Ditën pa makina e paralajmëroi kryeministri Edi Rama pak ditë më parë. Sot dhe nesër administrata është pushim për shkak të festës së Novruzit.
