Kryeministri Albin Kurti zhvilloi sot një takim virtual me kongresmenët nga Grupi për Çështjet shqiptare në Kongresin Amerikan, Ritchie Torres, Darrell Issa dhe Robert Aderholt, të cilët i falënderoi për mbështetjen e tyre dhe vlerësoi deklaratat publike në mbështetje të anëtarësimit të Kosovës në NATO dhe Bashkim Evropian.
“Merita të mëdha për suksesin e Kosovës kanë mbështetësit e fortë në Kongresin Amerikan”, tha Kurti, duke shtuar se Kosova ka fatin e mirë që tani ka edhe kongresmenët nga Grupi i Çështjeve shqiptare si aleatë në Kongres.
Ai theksoi se ka një sërë fushash në të cilat mund të thellohet e zgjerohet bashkëpunimi në interes të Kosovës, duke veçuar lobimin për anëtarësimin e Kosovës në BE dhe NATO, si dhe për rritjen e investimeve amerikane në Kosovë.
