Policia ka dalë me një deklaratë zyrtare për të shtënat me armë zjarri të raportuar mbrëmjen e së martës në Shkodër.
Policia bën të ditur se ngjarja ka ndodhur rreth orës 19:40, në lagjen “Skënderbeg”, ku shtetasi A. N., 32 vjeç banues në lagjen “Skënderbeg”, si pasojë e një konflikti për motive të dobëta, me shtetasin S. S., dyshohet se ka qëlluar me armë zjarri në drejtim të një objekti (furrë buke) në pronësi të shtetasit S. S., duke shkaktuar vetëm dëme materiale.
Shërbimet e Policisë kanë rrethuar zonën dhe vijon krehja e saj, me qëllim kapjen e autorit.
