Anëtari i Kryesisë së PD dhe njëherazi deputet, Tomor Alizoti, kërkon të mos ketë përjashtime nga Partia Demokratike.
Gjatë një prononcimi për mediat pas mbledhjes së Kryesisë së PD, Alizoti tha se Berisha duhet të jetë pjesë e PD.
Gjithashtu, Alizoti kërkoi edhe heqjen e dyerve të blinduara në PD.
“Duhet shfuqizuar çdo përjashtim i demokratëve, përfshirë edhe Berishën.
Duhet të ndodhë zhblindimi i dyerve. Bashkimi i demokratëve bëhet jo me retorikë, por me akte. Të hapet sa më shpejt gara, askush të mos jetë i përjashtuar”, u shpreh Alizoti.
