Kompanitë e Bashkimit Evropian të prekura nga sanksionet e vendosura ndaj Rusisë do të kenë të drejtë për deri në 400 mijë euro mbështetje shtetërore sipas rregullave të liruara të ndihmës shtetërore, ka njoftuar krahu ekzekutiv i bllokut.
Kompanitë në sektorët e bujqësisë, peshkimit dhe akuakulturës mund të kenë akses deri në 35 mijë euro, ndërsa bizneset që përballen me një krizë likuiditeti mund të marrin garanci shtetërore për kreditë e subvencionuara, tha Komisioni Evropian.
Ndërkohë, firmat që përballen me kostot në rritje të energjisë do të kenë të drejtë për ndihmë shtetërore që mbulon deri në 30 për qind të kostove të tyre, të kufizuara në 2 milionë euro.Komisioni Evropian, i cili gjithashtu vepron si zbatuesi i konkurrencës së bllokut, dy vjet më parë kishte zbutur rregullat e tij të ndihmës shtetërore, duke lejuar qeveritë të derdhnin triliona euro në kompanitë e goditura nga pandemia COVID-19.
