Zbulohen detaje të reja nga ngjarja që ndodhi mbrëmë në Shkodër, ku dy të rinjtë Armando Ndreu dhe Sadet Sala u përfshinë një shkëmbim me armë zjarri pas sherrit.
Gjithçka mësohet se ka nisur në një lokal, ku dy të rinjtë kanë qenë duke pirë.
Konflikti, ende nuk dihen arsyet, ka agravuar dhe Sadet Sala, pronar i një furre buke, në vendin ku pati të shtëna ka goditur me grusht 32 vjeçarin.
Ky i fundit ka shkuar në shtëpinë e tij duke marrë një automatik kallashnikov dhe është rikthyer duke qëlluar në drejtim të Sadet Salës.
Pronari i furrës së bukës është kundërpërgjigjur, por asnjëri prej tyre nuk ka mbetur i plagosur pasi janë larguar me shpejtësi.
“5pyetjet.al” ka siguruar videon e momentit kur ndodhi shkëmbimi i zjarrit. Për mrekulli ka shpëtuar shitësja e furrës së bukës dhe kalimtarët e rastit.
