Pas më shumë se tre orë ka përfunduar mbledhja e kryesisë së Partisë Demokratike, e drejtuar nga kryetari i komanduar, Enkelejd Alibeaj. Në përfundim të mbledhjes, Alibeaj bëri një deklaratë për mediat, ku tha se sot janë hedhur hapat drejt bashkimit të demokratëve.
“Besoj që ju e patë vendimin e grupit, që do të doja ta falenderoja për sensin e përgjegjshmërisë. Kjo është një shenjë tjetër e ngritjes së nivelit të përgjegjësisë. Me këtë sens përgjegjësie një nga synimet e kërkuara prej kaq kohës nga demokratët. Bashkimi, bashkimi për të mirën e demokratëve duke lëshuar dhe hequr dorë nga gjuha e urrejtjes si mënyra e vetme për të bashkuar demokratët.
Unë besoj që ky është çelësi i moralit, me mirëkuptim dhe të arrijmë këtë që kërkojnë demokratët. Është një hap i mirë për të shkuar drejt bashkimit”, u shpreh Alibeaj.
