Sytë janë te opozita, pavarësisht zhvillimeve të fundit nga qeveria. Edhe ditën e sotme kryefjalë ishte debati që në nisje të seancës në parlament mes dy grupeve të opozitës, PD-së zyrtare dhe “Foltores” së Sali Berishës.
Ish-kryeministri ka një pjesë të mirë të deputetëve me vete, por jo të gjithë. Një gjë e tillë duket edhe nga mbledhjet “rrufe” që bën në Kuvend për të dhënë detyrat.
Mediat kanë kapur një moment sot në parlament, kur Berisha udhëzon deputetët që ka krah tij. Po nga selia blu cfarë bëhet? Pas vendimit që u mor mbrëmë në mbledhjen e kryesisë, sot është proceduar me heqjen e blindave.
Pamjet brenda selisë blu tregojnë dyert e blinduara, por edhe rrëmujën, ndërsa në një moment kanë fiksuar edhe sekretarin e përgjithshëm të PD-së, Gazment Bardhi duke komunikuar në distancë me median. Ndryshe nga herët e tjera, sot pas heqjes së blindave, më i qeshur.
